Thursday, June 1, 2017

အိပ်ပျော်စေမည့် သဘာဝဆေးနည်း


ဆေးနည်း

(၁) မမာလွန်း မပျော့လွန်းသည့် အနေတော် ငှက်ပျောသီးမှည့်တစ်လုံးကို အခွံမခွါပဲ ဆေးစင်အောင်ဆေးပြီး အရင်းပိုင်းနဲ့ အဖျားပိုင်းကို ဖြတ်လိုက်ပါ။

(၂) အိုးထဲကိုထည့်ပြီး ငှက်ပျောသီးမြုပ်ရုံ ရေထည့်ပါ။

(၃) အင်္ဂလိပ် Cinnamon လို့ခေါ်တဲ့ သစ်ဂျပိုးခေါက်မှုန့် လက်ဖက်ရည်ဇွန်း ၁ဇွန်းခန့် ထည့်ပါ။

(၄) ပွတ်ပွတ်ဆူအောင် ၁၀ မိနစ်ခန့် ပြုတ်ပါ။ ပြီးလျှင် အအေးခံထားပါ။

(၅) အိပ်ယာမ၀င်ခင်မှာ ၄င်းငှက်ပျောသီးပြုတ်ရည်ကို တစ်ခွက်သောက်ပါ။ ငှက်ပျောသီးကိုလည်း စားလိုပါက စားနိုင်ပါတယ်။

ငှက်ပျောသီးအခွံမှာ ပါဝင်ထားတဲ့ ကာလ်စီယမ်ဓါတ်၊ မဂ္ဂနီစီယမ်ဓါတ်တို့ဟာ နာကျင်ကိုက်ခဲခြင်း၊ အကြောတက်ခြင်း၊ ယောင်ရမ်းခြင်းတို့ကို ပြေပျောက်စေနိုင်ပြီး သစ်ခေါက်မှုန့်ကတော့ နှလုံးကို အားကောင်းစေတာကြောင့် စိတ်ကို တည်ငြိမ်စေနိုင်ကာ နှစ်ခြိုက်စွာ အိပ်ပျော်စေပါတယ်။

တိုးတက်ပြောင်းလဲလာတဲ့ ပတ်ဝန်းကျင်၊ အစားအသောက်၊ ရာသီဥတု၊ အသုံးအဆောင်များကြောင့် ယခုဆိုလျှင် ကမ္ဘာပေါ်မှာ အိပ်မပျော်တဲ့လူပေါင်း သန်းနဲ့ချီပြီး ရှိလာနေပြီဖြစ်ပါတယ်။ အိပ်ဆေးများလည်း ထုတ်သမျှ ရောင်းမလောက်အောင် ဖြစ်လာကြကာ တရားဥပဒေ မခိုင်မာသည့် အချို့နိုင်ငံများမှာ ဆရာဝန်လက်မှတ်မပါပဲ အိပ်ဆေးကို ထုတ်လုပ်၊ ရောင်းချနေကြပြီး ဆေးအတုများ ပေါများလာကာ ဘေးထွက်ဆိုးကျိုးကြောင့် ကျန်းမာရေးထိခိုက်မှုများ တစတစ တိုးလာနေပြီဖြစ်ပါတယ်။ ဒါ့ကြောင့် အိပ်ဆေးကို ၀ယ်သောက်တော့မယ်ဆိုရင် ဆရာဝန်က လူနာရဲ့ ခံနိုင်ရည်အားကို သေချာစစ်ဆေးပြီး သင့်တော်သည့် အိပ်ဆေးအမျိုးအစားကို ညွန်ပေးမှသာ သောက်သင့်ကြောင်း အကြံပြုချင်ပါတယ်။

ဆရာဝန်ပြဖို့ အခက်အခဲရှိနေတယ်ဆိုရင်တော့ ဘေးထွက်ဆိုးကျိုးမရှိတဲ့ သဘာဝဆေးနည်းများကိုသာ အသုံးပြုဖို့ တိုက်တွန်းလိုက်ပါတယ်။ လူသားအားလုံး ကျန်းမာချမ်းသာကြပါစေ။

စောနွဲ့ နေဆိုင်(ပူတာအို)
ကိုးကား - How to fall Asleep Fast

===========

Credit

No comments:

Post a Comment