ခေါင်းတစ်ခြမ်းကိုက်ဝေဒနာအတွက် အိမ်တွင်းကုထုံး

၁။  ခေါင်းကို အအေး(ရေခဲ)ကပ်ပါ

သင်ရဲ့ နဖူး၊ ငယ်ထိပ် ဒါမှမဟုတ် လည်ကုပ်နေရာကို ရေခဲကပ်ပေးတာက ခေါင်းကိုက်ဝေဒနာ သက်သာနိုင်ပါတယ်။ ဘာကြောင့် ခေါင်းကိုက်ပျောက်ရသလဲ ဆိုတာကို ကျွမ်းကျင်သူတွေက တိတိကျကျ မရှင်းပြနိုင်သေးပေမယ့် သွေးလှည့်ပတ်မှု လျော့နည်းတာကြောင့် တစ်စိတ်တစ်ပိုင်းဖြစ်နိုင်တယ်လို့ ဆိုပါတယ်။

၂။  ဆေးဆိုင်ပေါ်မှာ ဆရာဝန်လက်မှတ်မပါဘဲ ၀ယ်လို့ရတဲ့ အကိုက်အခဲ ပျောက်ဆေး ၀ယ်သောက်ပါ

ပါရာစီတမောနဲ့ အက်စပရင်လိုမျိုး အကိုက်အခဲပျောက်ပြီး ရောင်ရမ်းမှုလျော့စေတဲ့ ဆေးဝါးတွေကို သောက်တာက ခေါင်းကိုက်တာ သက်သာသွားနိုင်ပါတယ်။ အက်စပရင်ဆေးဝါးကို အစာစားပြီးမှသာ သောက်သုံးသင့်ပါတယ်။

၃။  ကဖင်း အသုံးပြုပါ

ကော်ဖီနဲ့ တခြားဖျော်ရည်တွေမှာ ပါဝင်တဲ့ ကဖင်းဓာတ်က ခေါင်းကိုက်ဝေဒနာကို သက်သာစေနိုင်ပါတယ်။ ကဖင်းဟာ ခေါင်းကိုက်ပျောက်ဆေးတွေကို ခန္ဓာကိုယ်မှ စုပ်ယူမှုလည်း မြန်ဆန်စေနိုင်ပါတယ်။

၎။  မှောင်ပြီး ဆိတ်ငြိမ်တဲ့အခန်းမှာ နေပါ

တောက်ပတဲ့ အလင်းရောင်နဲ့ ကျယ်လောင်သံတွေက ခေါင်းကိုက်ဝေဒနာကို ပိုဆိုးရွားစေနိုင်ပါတယ်။ ဒါကြောင့် ခေါင်းကိုက်တဲ့အခါမှာ ခန်းဆီးနဲ့ အလင်းရောင်ကို ကာလိုက်တာမျိုး၊ ဆူညံသံကင်းတဲ့နေရာမှာ နေတာမျိုးတွေက ရောဂါကို အမြန်သက်သာနိုင်ပါတယ်။

၅။  လေ့ကျင့်ခန်းလုပ်ပါ

ခေါင်းတစ်ခြမ်းကိုက်နေစဉ်မှာတော့ လေ့ကျင့်ခန်း မလုပ်သင့်ပါဘူး။ ရောဂါကို ပိုမိုဆိုးရွားစေနိုင်ပါတယ်။ ခေါင်းမကိုက်တဲ့အချိန်တွေမှာ ပုံမှန်လေ့ကျင့်ခန်းပြုလုပ်တာက ခေါင်းမကိုက်အောင် ကာကွယ်ပေးနိုင်ပါတယ်။ လေ့ကျင့်ခန်းပြုလုပ်တာကြောင့် ခန္ဓာကိုယ်က နာကျင်မှုဝေဒနာကို တွန်းလှန်နိုင်တဲ့ အန်ဒိုဖင်တွေ ထွက်ရှိလာတဲ့အပြင် စိတ်ဖိစီးမှုလည်း လျော့နည်းနိုင်ပြီး အိပ်စက်မှုကို ကောင်းမွန်စေနိုင်ပါတယ်။

၆။  မဂ္ဂနီဆီယမ် မှီဝဲပါ

အစိမ်းရင့်ရောင် ဟင်းသီးဟင်းရွက်၊ ကောက်နှံတစ်ခုလုံးပါဝင်စာနဲ့ အခွံမာသီးတွေမှာ ပါဝင်တဲ့ မဂ္ဂနီဆီယမ်က ခေါင်းတစ်ခြမ်းကိုက်ဝေဒနာမဖြစ်အောင် ကာကွယ်ပေးနိုင်ပါတယ်။ မဂ္ဂနီဆီယမ်ကို သောက်ဆေးအဖြစ် မှီဝဲလို့ ရပါတယ်။ ခေါင်းကိုက်နေစဉ်အတွင်းမှာတော့ မဂ္ဂနီဆီယမ် မှီဝဲရင် ဝေဒနာ သက်သာနိုင်မှာ မဟုတ်ပါဘူး။

 ၇။  အိပ်ရေးဝအောင် အိပ်ပါ

အိပ်ရေး၀၀အိပ်တာက ခေါင်းတစ်ခြမ်းကိုက်တဲ့အကြိမ်ရေ လျော့နည်းသွားနိုင်ပါတယ်။ အိပ်ချိန်များလွန်းတာ ဒါမှမဟုတ် နည်းလွန်းတာက ခေါင်းကိုက်အောင် လှုံ့ဆော်နိုင်ပါတယ်။ ညစဉ် အိပ်ချိန်ကို ခုနစ်နာရီ ဒါမှမဟုတ် ရှစ်နာရီ ရအောင် အိပ်ပြီး အိပ်ချိန်နဲ့ ထချိန်ဟာ နေ့စဉ်နေ့တိုင်း တူညီမှုရှိနေရပါမယ်။

၈။  ယောဂကျင့်စဉ်ပြုလုပ်ပါ

နှလုံးခုန်စေတဲ့ လေ့ကျင့်ခန်းတွေက ခေါင်းတစ်ခြမ်းကိုက်တာ မဖြစ်အောင် ကာကွယ်နိုင်ပေမယ့် တချို့လူတွေမှာတော့ ခေါင်းကိုက်အောင် လှုံ့ဆော်ပေးနိုင်ပါတယ်။  ဖြည်းဖြည်းချင်းရွေ့လျားမှုပြုလုပ်တဲ့ ယောဂကျင့်စဉ်ကတော့ ခေါင်းကိုက်တဲ့အကြိမ်အ ရေအတွက်ကို လျော့နည်းစေနိုင်ပါတယ်။

၉။ ဗီတာမင် ဘီ ၂ မှီဝဲပါ

နွားနို့၊ ဒိန်ခဲ၊ ငါးနဲ့ ကြက်သားမှာ ပါဝင်တဲ့ ရိုင်ဗိုဖလေဘင်ခေါ်တဲ့ ဘီ ၂ ဟာ ခေါင်းတစ်ခြမ်းကိုက်ဝေဒနာ မဖြစ်အောင် ကာကွယ်နိုင်တယ်လို့ လေ့လာမှုတွေအရ သိရပါတယ်။ ဆေးဝါးအနေနဲ့လည်း မှီဝဲနိုင်ပါတယ်။

၁၀။ ခေါင်းကိုက်အောင် လှုံ့ဆော်နိုင်တဲ့ အချက်တွေကို ရှောင်ပါ

သင် ခေါင်းတစ်ခြမ်းကိုက်ဝေဒနာဖြစ်တာက တစ်ခါတစ်ရံမှာ သင်စားတဲ့ အစားအစာကြောင့် ဖြစ်တတ်သလို တစ်ခါတစ်ရံမှာလည်း သင့်ပတ်ဝန်းကျင်အခြေအနေကြောင့် ဖြစ်တတ်ပါတယ်။ ဘာကြောင့် ဖြစ်ရသလဲဆိုတာကို သတိထားကြည့်ပြီး ဖြစ်စေတဲ့အကြောင်းရင်းကို ရှောင်ပါ။ အနီရောင်ဝိုင်၊ ဒိန်ခဲ၊ တောက်ပတဲ့ အလင်းရောင်၊ အနံ့ပြင်းပြင်းတွေနဲ့ တောင်ပေါ်ဒေသမှာနေထိုင်တာက ခေါင်းတစ်ခြမ်းကိုက်ဖြစ်အောင် လှုံ့ဆော်နိုင်တဲ့အကြောင်းရင်းတွေဖြစ်ပါတယ်။

#ဒေါက်တာခင်မိုးမိုး
(Good Health Journal 617)

Credit#Good_Health_Journal