ခန္ဓာကိုယ်အတွင်းမှ အဆိပ်အတောက်တို့ကို သဘာဝအတိုင်း ဖယ်ရှားနိုင်သည့် နည်းလမ်း ၁၀

အဆိပ်အတောက်တွေက အစားအစာ၊ အရည်နဲ့ အသက်ရှူလမ်းကြောင်းမှတစ်ဆင့် ခန္ဓာကိုယ်အတွင်းသို့ ၀င်ရောက်နိုင်ပါတယ်။ ခန္ဓာကိုယ်တွင်းက ပိုလျှံနေတဲ့ အဆိပ်အတောက်တွေကို နေ့စဉ် ဖယ်ရှားပေးနိုင်တာက အသည်းရဲ့ လုပ်င

န်းဆောင်တာ ကောင်းမွန်ဖို့ အထောက်အပံ့ ရစေနိုင်တဲ့အပြင် ကျန်းမာရေးအတွက်လည်း ကောင်းမွန်စေနိုင်ပါတယ်။ ကိုယ်တွင်းမှ အဆိပ်အတောက်တွေ များနေတာက ရောဂါတွေကို ဖိတ်ခေါ်နေသလို ဖြစ်နေပါတယ်။ ခန္ဓာကိုယ်ရဲ့ အ

ဆိပ်အတောက်တွေကို ပုံမှန်ဖယ်ရှားနိုင်ဖို့ အလွန်လွယ်ကူ ရိုးရှင်းလွန်းလှတဲ့ နည်းလမ်း ၁၀ ချက်ကို အောက်မှာ ဖော်ပြပေးလိုက်ပါတယ်။

xxx 

၁။ ရေများများသောက်ပါ

ရေဟာ ကိုယ်တွင်းအင်္ဂါအားလုံးရဲ့ ကျန်းမာရေးအတွက် အလွန်အရေးပါလှပါတယ်။ ရေက ခန္ဓာကိုယ်မှ အဆိပ်အတောက်တွေကို ဆီးနဲ့ မစင်ကနေတစ်ဆင့် စွန့်ထုတ်ပေးပါတယ်။ သင်ရဲ့ ၀မ်းလမ်းကြောင်းနဲ့ အစာခြေစနစ်က ကျန်းမာေ

နခဲ့ရင် သင်အိမ်သာသွားလိုက်တဲ့အခါတိုင်း ခန္ဓာကိုယ်တွင်း ဒုက္ခပေးနေတဲ့ အဆိပ်အတောက်တွေကို ဖယ်ရှားပေးလိုက်ပါတယ်။ နေ့စဉ် ရေ ၈-၁၀ ခွက် သောက်ပေးပါ။ ရာသီဥတုအခြေအနေနဲ့ သင်ရဲ့ တက်ကြွလှုပ်ရှားမှုပေါ်မှာ မူတည်ပြီး 

လိုအပ်ရင် ရေပိုမိုသောက်ရပါမယ်။  

► မနက်အိပ်ရာထခါစ ဘာအစာမှ မစားခင်မှာ (ဖြစ်နိုင်ရင် ကြေးအိုးနဲ့ သိုလှောင်ထားတဲ့) ရေတစ်ခွက်ကို သောက်ပေးတာက အစာခြေစနစ်  လုပ်ဆောင်ချက် ကောင်းမွန်စေနိုင်ပြီး ခန္ဓာကိုယ်မှ အဆိပ်အတောက်တွေ ထွက်သွားဖို့ 

ကူညီနိုင်ပါတယ်။ 

.......................................................

၂။ အိပ်ရာထခါစမှာ ရှောက်ရည်တစ် ခွက်သောက်ပါ

ရှောက်သီးမှာပါဝင်တဲ့ စစ်ထရစ်အက်စစ်က အဆိပ်အတောက်ပြေစေဖို့ ကူညီနိုင်ပါတယ်။ ရှောက်သီးဟာ အစာအိမ်ထဲက အစာခြေရည်တွေနဲ့ ပုံစံချင်း တူညီနေတဲ့အတွက် အသည်းမှ သည်းခြေရည် ထုတ်လုပ်နိုင်ဖို့အတွက် ကူညီနိုင်ပါ

တယ်။ သည်းခြေရည်က အစာခြေစနစ်အတွင်း အစာတွေကို ရှောရှောရှူရှူ ရွေ့လျားဖို့ ကူညီပေးပါတယ်။ ဒါ့အပြင် ရှောက်သီးက ခန္ဓာကိုယ်ရဲ့ pH Level ကို အယ်လ်ကာလီဘက် ယိမ်းစေတဲ့အတွက် ရောဂါအတော်များများကို ခုခံနို

င်ပါတယ်။ 

► ရှောက်သီးတစ်ဝက်ကို ရေနွေး တစ်ဖန်ခွက်ထဲ ညှစ်ထည့်ပါ။ ကြိုက်နှစ်သက်ရင် ပျားရည်ထည့်နိုင်ပါတယ်။ မနက်အိပ်ရာထခါစ ဘာအစာမှ မစားရသေးခင် ရှောက်ရည်တစ်ခွက်သောက်ပြီး မိနစ် ၃၀ လောက်စောင့်ပြီးမှ မနက်စာ စား

ပါ။ 

.......................................................

၃။ သပွတ်အူဖြင့် ကြေးတွန်းပါ

အရေပြားဟာ ခန္ဓာကိုယ်ရဲ့ အဆိပ်အတောက်ရှင်းထုတ်ပေးတဲ့ အဓိကကိုယ်တွင်း အင်္ဂါတစ်ခုဖြစ်ပါတယ်။ ကြေးတွန်းတာက အရေပြားအတွင်း စုဆောင်းနေတဲ့ အဆိပ်တွေနဲ့ ဆဲလ်သေတွေကို ဖယ်ရှားပေးနိုင်တဲ့ နည်းလမ်းပါ။ ကြေးတွန်

းလိုက်တာကြောင့် ချွေးဂလင်းတွေကို လှုံ့ဆော်မှု ရရှိသွားစေပြီး ချွေးမှတစ်ဆင့် ကိုယ်တွင်းမှ အဆိပ်အတောက်တွေကို ဖယ်ရှားပါတယ်။ 

.......................................................

► ရေချိုးခန်းထဲမှာ သပွတ်အူလိုမျိုး အမွေးနူးညံ့တဲ့ ပစ္စည်းတွေနဲ့ ရေမချိုးခင် ကြေးတွန်းပါ။ လက်တွေ ခြေထောက်တွေကနေ စတင်ပြီး ခန္ဓာကိုယ်အနှံ့ ၁၀-၂၀ မိနစ်ကြာတဲ့အထိ ရေမပါဘဲ ကြေးတွန်းပြီးမှ ရေနွေးနဲ့ ရေကြာကြာချိုးပေးပါ။ 

ပြီးရင် ရေအေးနဲ့ တစ်ဖန်ပြန်ချိုးပါ။ တစ်ပတ်ကို ၃-၅ ကြိမ်အထိ ပြုလုပ်ပေးရပါမယ်။ 

.......................................................

၎။ ဆီအသုံးပြုနည်း

ရှေးထုံးနည်းလမ်းအရ ဆီကို ခန္ဓာကိုယ်တွင်းအဆိပ်တွေ ဖယ်ရှားဖို့အတွက် အသုံးပြုခဲ့ကြပါတယ်။ ဆီက ခန္ဓာကိုယ်အတွင်းက အဆိပ်အတောက်တွေကို ဖယ်ရှားပေးနိုင်တဲ့အပြင် ဇီဝရုပ်ဖြစ်စဉ်ကို ထိန်းချုပ်ပေးတဲ့ ဟော်မုန်းတွေ ထွက် 

ရှိလာဖို့လည်း လှုံ့ဆော်နိုင်တဲ့အတွက် ကိုယ်အလေးချိန်လျှော့ချဖို့ ကူညီနိုင်ပါတယ်။ 

► စားပွဲတစ်ဇွန်းစာ အုန်းဆီကို ပါးစပ်ထဲ ထည့်ပြီး ၁၅-၂၀ မိနစ်ကြာအောင် ငုံကာ ပါးစပ်လှုပ်ပါ။ ပြီးရင် ထွေးထုတ်ပြီး ပုံမှန်အတိုင်း သွားတိုက်ပါ။ မိနစ် ၃၀ စောင့်ပြီးမှ အစာစားရပါမယ်။ မနက်အိပ်ရာထ ဘာအစာမှ မစားရသေးခင် နေ့တု

ိင်း ပြုလုပ်ပေးပါ။ ဆီကို မျိုချတာမျိုး၊ အာလုတ်ကျင်းတာမျိုး မပြုလုပ်ရပါဘူး။

.......................................................

၅။ ဟင်းသီးဟင်းရွက်ဖျော်ရည်သောက်ပါ

ဟင်းနုနယ်၊ ကိုက်လန်၊ ပန်းသီး၊ လိမ္မော်သီး၊ ပန်းသစ်တော်၊ နာနတ်သီး၊ ထောပတ်သီးတွေကို ဖျော်ရည်လုပ်ပြီး သောက်ပေးပါ။ ဟင်းသီးဟင်းရွက်ဖျော်ရည်တွေက အစာခြေစနစ်ကို လှုံ့ဆော်မှု ပေးပြီး ခန္ဓာကိုယ်မှ အဆိပ်အတောက်ေ

တွကို ဖယ်ရှားဖို့ ကူညီနိုင်ပါတယ်။ 

► လက်တစ်ဆုပ်စာ ဟင်းနုနယ်ရွက်နဲ့ အနေတော် ပန်းသီးတစ်လုံးကို လှီးဖြတ်ပြီး ငှက်ပျောသီး တစ်ဝက်၊ သခွားသီး တစ်ဝက်နဲ့ ဒိန်ချဉ်တစ်ခွက်ရောစပ်ကာ ဖျော်စက်နဲ့ မွှေပြီး သောက်ပေးပါ။ 

၆ Green Tea လက်ဖက်ရည်ကြမ်း သောက်ပါ

ခန္ဓာကိုယ်အတွင်းမှ အဆိပ်အတောက်တွေ ပြေဖို့အတွက် ကော်ဖီ သောက်မယ့်အစား Green Tea သောက်လိုက်ပါ။ Green Tea မှာ ပါဝင်တဲ့ များစွာသော ဓာတ်တိုးဆန့်ကျင်ပစ္စည်းတွေက ခန္ဓာကိုယ်ထဲက ဒုက္ခပေးတဲ့ အ ဆိပ်အေ

တာက်တွေကို ဖယ်ရှားပေးနိုင်ပါတယ်။ ဒါ့အပြင် Green Tea  မှာ ပါဝင်တဲ့ ပေါ်လီဖီနောခေါ်တဲ့ အာဟာရဓာတ်တွေက အဆီကို လောင်ကျွမ်းစေတဲ့ ဟော်မုန်းထုတ်လုပ်မှုကို ကောင်းမွန်စေနိုင်ပါတယ်။ 

► တစ်နေ့ကို Green Tea နှစ်ခွက်မှ သုံးခွက်အထိ သောက်ပေးပါ။ 

.......................................................

၇။ လေ့ကျင့်ခန်းလုပ်ပါ

ချွေးထွက်တာက ခန္ဓာကိုယ်မှ အဆိပ်အတောက်တွေကို ဖယ်ရှားနိုင်တဲ့ အကောင်းဆုံးနည်းလမ်းတစ်ခုပါ။ ချွေးဟာ ခန္ဓာကိုယ်မှ ပိုလျှံနေတဲ့ ဓာတ်ဆားတွေနဲ့ အဆိပ်အတောက်တွေကို ဖယ်ရှားပေးပါတယ်။ ချွေးထွက်ဖို့အတွက် ပုံမှန်ေ

လ့ကျင့်ခန်း ပြုလုပ်ရပါမယ်။ တစ်နေ့ကို အနည်းဆုံး မိနစ် ၃၀ လောက် လေ့ကျင့်ခန်းပြုလုပ်တာက အဆုတ်ရဲ့ စွမ်းအားကောင်းမွန်လာပြီး အသက်ရှူထုတ်ရာမှတစ်ဆင့် အဆိပ်တွေကို ညှစ်ထုတ်ပေးပါတယ်။ လေ့လာမှုတွေအရ ခန္ဓာကု

ိယ်မှ အဆိပ်အတောက်ပမာဏများစွာက ချွေးမှတစ်ဆင့် စွန့်ထုတ်ပေးတယ်လို့ သိရပါတယ်။ 

► နေ့စဉ်နေ့တိုင်း ပုံမှန် လေ့ကျင့်ခန်း ပြုလုပ်ပေးပါ။

.......................................................

၈။ အဆိပ်ဖြစ်စေတဲ့ ပစ္စည်းတွေကို ရှောင်ပါ

လုံးဝရှောင်သင့်တာကတော့ အရက်နဲ့ ကော်ဖီပဲဖြစ်ပါတယ်။ ဆေးလိပ်ကိုလည်း ရှောင်ရပါမယ်။ ဒါ့အပြင် အဆင်သင့်စားလို့ရတဲ့အစားအစာ၊ ထုပ်ပိုးထုတ်ကုန်အစားအစာနဲ့ ဆီသွတ်ဘူးလို အစားအစာတွေ၊ ဂက်စ်ပါတဲ့ ဖျော်ရည်တွေကို 

လည်း ရှောင်ရပါမယ်။ အချိုမှုန့်နဲ့ ဆေးသကြားတွေကလည်း အာရုံကြောစနစ်နဲ့ ဦးနှောက်မှာ အဆိပ်အတောက်တွေ စုဆောင်းနေမှာမို့ ရှောင်သင့်ပါတယ်။ 

► စိတ်ဖိစီးမှုများတာကလည်း အဆိပ်အတောက်တွေကို စုဆောင်းမှုဖြစ်စေတာမို့ တတ်နိုင်သမျှ ဖိစီးမှုကို လျှော့ချပါ။ 

.......................................................

၉။ နေ့စဉ် လျှာခြစ်ပါ

လျှာခြစ်တာက လျှာထဲမှာရှိတဲ့ ဒုက္ခပေးနိုင်တဲ့ ပိုးမွှား၊ ဘက်တီးရီးယား၊ စားကြွင်းစားကျန်၊ မှိုပိုးနဲ့ ဆဲလ်သေတွေကို ဖယ်ရှားပေးနိုင်ပါတယ်။ ဒီအရာတွေက သင်အိပ်နေစဉ်အတွင်း လျှာရဲ့ မျက်နှာပြင်ပေါ်မှာ တစ်ညလုံး စုဆောင်းနေတတ် 

ပါတယ်။ လျှာဝါနေတာ ဒါမှမဟုတ် ဖြူနေတာက လျှာကို ပုံမှန်သွားတိုက်တာလောက်နဲ့ သေချာ သန့်စင်မှုမရှိတဲ့အခြေအနေပါ။ 

► သွားတိုက်သွားပွတ်တံနဲ့လည်းပဲ လျှာခြစ်ထုတ်နိုင်ပါတယ်။ မနက်အိပ်ရာထချိန်မှာ လျှာခြစ်ဖို့ အကောင်းဆုံး အချိန်ပါ။

.......................................................

၁၀။ အိပ်ရေးဝအောင်  အိပ်ပါ

သင် အိပ်နေစဉ်အတွင်း အသည်းက သူရဲ့ လုပ်ငန်းဆောင်တာတွေကို ပြုလုပ်နေတဲ့အတွက် ခန္ဓာကိုယ်က သူ့ဘာသာသူ အဆိပ်အတောက်တွေကို သန့်စင်ပေးလိုက်ပါတယ်။ ဦးနှောက်ကလည်း အိပ်နေစဉ်အတွင်းမှာ အဆိပ်အတောက် 

တွေကို ဖယ်ရှားတဲ့ လုပ်ငန်းတွေ လုပ်ဆောင်ပေးပါတယ်။ ဒါကြောင့် ၆-၈ နာရီကြာ နှစ်နှစ်ခြိုက်ခြိုက် အိပ်ပျော်အပြီး နိုးထလာတဲ့အချိန်မှာ လန်းလန်းဆန်းဆန်းဖြစ်နေတာပါ။ 

► တစ်ညတာလောက် အိပ်ရေးပျက်ရုံနဲ့ ခန္ဓာကိုယ်ရဲ့ သဘာဝအဆိပ်အတောက်ဖြေတဲ့လုပ်ငန်းစဉ်ကို အနှောင့်အယှက်ဖြစ်သွားတတ်တာကြောင့် ညဘက် အိပ်ရာဝင် နောက်ကျတာမျိုး ရှောင်ကြဉ်ပါ။ ဒါ့အပြင် မနက် အိပ်ရာ ထခါစမှာ 

ဆီးအောင့်ထားတာ ဒါမှမဟုတ် ၀မ်းအောင့်ထားတာမျိုး မလုပ်ရပါဘူး။ ခန္ဓာကိုယ်က အဆိပ်တွေကို ပြန်လည် စုပ်ယူသွားနိုင်တာကြောင့်ပါ။ 

.......................................................

Tips !

►  သင်က Special Detox Diet ကို မပြုလုပ်ခင်မှာ ဆရာဝန်နဲ့ အရင်တိုင်ပင်ပါ။ အထူးသဖြင့် ကျန်းမာရေးအတွက် ဆေးဝါးတွေ မှီဝဲနေရရင်ပါ။ 

►  ကောက်နှံတစ်ခုလုံးပါဝင်တဲ့အစား အစာစားပါ။ ဗီတာမင်နဲ့ သတ္တုဓာတ်တွေ များစွာ ရရှိနိုင်တဲ့အပြင် သူ့မှာ ပါဝင်တဲ့ ဓာတ်တိုးဆန့်ကျင်ပစ္စည်းနဲ့ အင်ဇိုင်းတွေက ခန္ဓာကိုယ်မှ အဆိပ်အတောက်တွေကို ဖယ်ရှားဖို့ ကူညီပေးနိုင် ပါတယ်။ 

►  ရေမှာပျော်ဝင်တဲ့ အမျှင်ဓာတ်များစွာ ပါဝင်တဲ့ ဟင်းသီးဟင်းရွက်နဲ့ သစ်သီးဝလံကို စားပေးပါ။ အဆိပ်အတောက်တွေ ဖယ်ရှားဖို့ ကူညီနိုင်ပါတယ်။ 

►  တစ်ပတ်တစ်ကြိမ် ချွေးထုတ်ခန်း သွားပေးပါ။ သွေးလှည့်ပတ်မှု ကောင်းမွန် စေတဲ့အပြင် ချွေးမှတစ်ဆင့် အဆိပ်အတောက်တွေကို ဖယ်ထုတ်နိုင်ပါတယ်။ 

►  ခန္ဓာကိုယ်က အစာကို ချေဖျက်နိုင်တာက အဆိပ်အတောက်တွေကို ဖယ်ရှားဖို့ အများကြီး ကူညီနိုင်ပါတယ်။ အစာချေဖျက်နိုင်စွမ်းကောင်းအောင် လူ့အကျိုးပြုဘက်တီးရီးယားတွေပါဝင်တဲ့ ဒိန်ချဉ်လိုမျိုး အစားအစာတွေကို စားပေးပါ။ 

► ကိုယ်တွင်းအင်္ဂါတွေ အနားရဖို့အတွက် တစ်လကို တစ်ကြိမ် နှစ်ကြိမ် ဥပုသ်စောင့်ပါ။      

#ဒေါက်တာခင်မိုးမိုး

(Good Health Journal 616)

Credit :#Good_Health_Journal